…e plátanos e iogur, pero non quería facer o título moi longo porque logo non caibe. Esta é unha receita ben sinxela para apañar merendas de verán e faise en cinco minutos.
Ingredientes (para dous batidos):
1 plátano
8-10 amorodos
1 iogur de pexegos con anacos
Un vaso de leite enteiro
Dúas galletas de chocolate – tipo “Chips ahoy” ou “Príncipe”
- Picamos o plátano e os amorodos en botámolos no vaso da batidora.
- Engadimos a galleta, o leite e o iogur.
- Batimos todo ata que teña unha consistencia uniforme e teña burbulliñas pola parte de arriba.
- Servir.
Un consello: se comprades plátanos e amorodos demáis e non os dades comido, poden ir ao conxelador perfectamente para vindeiros batidos. Picádeos e envolvédeos en papel de prata procurando que os anacos queden estendidos e non fagan bóla.
2 comentarios en “Batido de amorodos con chips de chocolate”