E diredes: que ciencia ten asar uns pementos? Pois resulta que bastante, porque acabei rachando un molde de Pirex 😀 Agora en serio, esta receita fai moito avío para ter uns pementos suaves e cheos de sabor listos para usar como guarnición ou nos bocadillos.
Ingredientes
4 pementos verdes italianos
Dúas culleres de aceite de oliva
Sal ao gusto
75 ml de auga morna
Quecemos o forno a 180º
- Untamos os pementos con aceite de oliva. O ideal é ter un pincel, se non, axudádevos cun pano de papel, para que o aceite queder repartido uniformemente.
- Colocamos os pementos no molde e metemos no forno a altura media. Cando comecen a churruscar (aproximadamente 20 minutos) engadimos a auga aos poucos e seguimos cocendo.
- Cando volvan estar churruscando, dámoslles a volta e deixámolos cocer ata que non quede auga. Así quedarán ben brandiños e con todo o sabor. O proceso debería durar uns 50 minutos, aproximadamente.
- Se queredes, quitádelles a pel. Eu prefiroos con ela.
- Pódense comer no momento ou gardar nun recipiente durante 3 ou 4 días.
- Que aproveite!
