Que perguiza voltar á rutina, eh? Para ir facendo algo sinxelo e ben prestoso, esta vez traemos unha receita de pasta sinxela e saborosa, con poucos ingredientes e rápida de facer. Que máis se pode pedir?
Nota: as anchoas mellor que sexan de calidade, xa que con tan poucos ingredientes vai destacas moito o seu sabor. Os tomates cherry, que estean ben maduros, así terá un sabor máis intenso!
Ingredientes (2 racións):
170 gr de pasta curta ou espaguetes
10-12 tomatiños cherry
2 dentes de allo
Unha lata de 50 gr de anchoas
Un chisco de parmesano ou grana padano relado
Pementa negra moída (opcional)
- Poñemos a auga para cocer a pasta segundo as instruccións do fabricante
- Botamos o aceite da lata nunha tixola e quecémolo a lume medio
- Pelamos e cortamos o allo en anacos pequenos, botàmolo na tixola.
- Corramos os tomates cherry pola metade e botámolos na tixola. Remexemos o contido e esmagamos un pouco os tomates, cocemos 10 minutos máis
- Corramos as anchoas en anacos de 1-2 cm
- Cando a pasta estea lista, escoámola, botamos o contido da tixola e as anchoas, remexemos para mesturalo todo.
- Servimos nos pratos, engadindo o queixo e a pementa.
Que aproveite!
