O caso da tortilla de patacas é ben curioso: cantas variantes saen con tan só tres ingredientes! Coma en todos os pratos tradicionais, cada un ten os seus trucos e preferencias, hoxe vouvos contar os meus. Coma unha imaxe vale máis que mil palabras, velaiquí tendes a miña opinión:
Así non:
Para que as tortillas vos queden sequiñas polos lados e tenras por dentro recoméndovos seguir estes trucos:
- Cortar as patacas facendo anacos o máis irregulares que poidades. Deste xeito chucharán máis aceite e quedarán máis brandas. No canto de cortalas en rodas finas, clavade un coitelo pequeno e facede forza para arrincar un cacho pequeno da pataca, é o máis doado.
- Bater moito o ovo, para que colla aire. Isto fará que teña máis consistencia ao final.
- Engadirlle leite ao ovo: unha culler por cada un. É un truco para que quede máis tenra e suave: o leite fai que se fagan “membranas de coágulo” máis brandas e elásticas. Aquí explícano con máis detalle.
- Deixar repousar a mestura de pataca e cebola fritida no ovo durante 20 ou 30 minutos. Se queredes que os anacos de patacas se noten menos, aproveitade para esmagalos cun garfo nestre intre.
- Esto no ten que ver directamente coa textura pero HAI VIDA ALÉN DAS PATACAS. Que son a base, si, pero pódese experimentar engadindo cenoura relada, chícharos, bacallao desmigado, camaróns… e se só que queredes darlle un leve toque diferente, probade coas especias: dúas das que mellor combinan con este prato son o comiño e a noz moscada.
Preferides a tortilla “ovosa” ou seca? Tendes trucos ou consellos? Deixádeos nos comentarios!
Desta vez as fotos non son miñas: A segunda imaxe é unha montaxe cunha foto de Recetolandia e primeira está tirada dunha reportaxe sobre pinchos de Antena3
Muchas gracias por vuestra referencia. Buen provecho!!
¡Gracias a vosotros!
Boas dicas!
Que me dis de lle engadir (e logo retirar) uns dentes de allo na fritada?
E un chisco de cervexa?